តោះទៅមើល សកម្មភាពជនជាតិយួន យកស៊ឺរ៉ាំងជាតិគីមី ចាក់ចូលខ្នុរបន្ដិចមើល៍

សកម្មភាពនៃការចាក់បញ្ចូលសារជាតិគីមី ដើម្បីឲ្យផ្លែខ្នុរមានសភាពល្អ និងទុំឆាប់រហ័សត្រូវបានថត និងបង្ហោះដោយស្រ្តីម្នាក់ពាក់អាវផ្កា បានកំពុងញាប់ដៃញាប់ជើង ប្រើស៊ឺរ៉ាំង ដើម្បីធ្វើការចាក់បញ្ចូលសារជាតិ ដែលប៉ះពាល់ដល់សុខភាពមនុស្ស ។ នៅលើបណ្ដាញសង្គមហ្វេសប៊ុកមានការចែកចាយ នូវវីដេអូមួយដែលបង្ហាញពីសកម្មភាពជនជាតិយួន កំពុងចាក់បញ្ចូលសារជាតិគីមីនោះ ដែលធ្វើឲ្យសាធារណជនពិសេសអ្នកដែលបានទស្សនាវីដេអូនេះ មិនសប្បាយចិត្ត និងរិះគន់ជាខ្លាំងទៅលើជនជាតិយួន ដែលកំពុងធ្វើសកម្មភាពទាំងនោះ យ៉ាងគគ្លើនលើទឹកដីប្រទេសកម្ពុជា ។ សូមបញ្ជាក់ផងដែរថា ការធ្វើសកម្មភាពនេះ ចាត់ទុកជារឿងធម្មតាទៅហើយ ដែលជនជាតិយួន ឬវៀតណាម បានប្រើសារជាតិនេះ ទៅលើបន្លែផ្លែឈើ ផ្សេងៗ និងដាក់លក់យ៉ាងច្រើននៅលើទីផ្សារប្រទេសកម្ពុជា ដោយពុំដឹងថាបន្លែ ឬផ្លែឈើណាជារបស់ខ្មែរ ឬវៀតណាមនោះទេ ។

ពលរដ្ឋខ្មែរជាច្រើនសម្រុកចូលចាក់ថ្នាំបង្ការជម្ងឺឆ្កែឆ្កួត ខ្លាចអស់ជីវិត បង្កការរំខានក្នុងវិទ្យាស្ថានប៉ាស្ទ័រ

ប្រជាពលរដ្ឋខ្មែរជាច្រើននាក់​ បានសម្រុក​ចូលទៅ​ចាក់ថ្នាំបង្ការជម្ងឺឆ្កែឆ្កួត ដែលខាំដោយសារឆ្មា ឬឆ្កែខាំដោយមូលហេតុទំនងខ្លាចអស់ជីវិតដោយសារជម្ងឺឆ្កែឆ្កួត នៅក្នុងវិទ្យាស្ថានប៉ាស្ទ័រកម្ពុជា ដែលបង្ករការរំខាន និងភាពរញ៉េរញ៉ៃ ដោយសារតែពួកគាត់ ពុំបានស្ដាប់ការណែនាំរបស់ពេទ្យជំនាញ ព្រមទាំងមិនធ្វើការតម្រង់ជួរឲ្យបានត្រឹមត្រូវថែមទៀត ។ វីដេអូមួយបានធ្វើការបង្ហោះឡើងនៅលើបណ្ដាញសង្គម និងធ្វើការចែកចាយតៗគ្នា អំពីសត្វឆ្មា ឬឆ្កែខាំ បានបង្កភាពភ័យខ្លាចដល់អ្នកដែលចិញ្ចឹមសត្វ និងអ្នកដែលស្រឡាញ់សត្វ ក៏ដូចជាប្រវត្តិនៃការខាំរបស់សត្វទាំងនោះជាច្រើន បានធ្វើការសម្រុកចូលមន្ទីរពេទ្យនានា ដែលក្នុងនោះ មន្ទីរពេទ្យប៉ាស្ទ័រផងដែរ ដែលប្រជាពលរដ្ឋសម្រុកចូល ដើម្បីទទួលបានថ្នាំបង្ការការពារជីវិតរបស់ពួកគេ ។ ក្នុងវីដេអូនោះផងដែរ មានការបែកធ្លាយចេញមកពីអ្នកប្រើប្រាស់បណ្ដាញសង្គម ដោយបានសរសេរថា ៖ Facebook បានធ្វើខ្មែរផ្អើលមួយនគរមែន សូម្បីតែអ្នកត្រូវឆ្កែរឬឆ្មាខាំតាំងពី 3ឫ 5ឆ្នាំមុន ក៏ផ្អើលមកចាក់ថ្នាំបង្ការដែរ ដល់ថ្នាក់គ្រូពេទ្យនៅប៉ាស្ទ័រស្រែកពន្យល់តាមមេក្រូថា បើសត្វខាំលើសពី1អាទិត្យទៅហើយមិនក្តៅខ្លួនទេ និងសត្វនោះមិនទាន់ស្លាប់ទេ គឺរួចខ្លួនហើយ ទុកឱ្យអ្នកទើបត្រូវសត្វខាំគាត់បានចូលចាក់ផង ។ គ្រូពេទ្យខំពន្យល់តែគ្មានអ្នកស្តាប់ទេ គឺសំរុកចូលឱ្យបានចាក់ ព្រោះខ្លាចបាត់បង់ជីវិត ទោះគាត់ត្រូវសត្វខាំ 3ឆ្នាំមកហើយ។ ចង់និយាយថា បើតម្រង់ជួរតាមលេខរៀងទៅវាថី? បើចេះស្លាប់គឺស្លាប់តាំងពី3ឆ្នាំមុនមកហើយ កុំគ្រាន់តែផ្អើលបានភ័យនោះ ដូចពាក្យចាស់លោកថា គោរបាត់បាននាំគ្នារបងមែន ។ រឿងហេតុបណ្ដាលឲ្យមនុស្សម្នាមានភាពចលាចលបែបនេះ គឺដោយសាររឿងហេតុដូចខាងក្រោមនេះ ៖ (ស្វាយរៀង)៖

លោកប្រមុខ LDP ងាកទៅពន្យល់បរទេស បន្ទាប់ពីផ្អាកធ្វើសកម្មភាពនយោបាយ

លោក ខឹម វាសនា ប្រមុខគណបក្សសម្ព័ន្ធដើម្បីប្រជាធិបតេយ្យ បានធ្វើការបង្កើតកម្មវិធីដែលមានឈ្មោះថា Khem Veasna Revolution Talk Show (KVR Talk Show) ដែលកម្មវិធីនេះនឹងធ្វើការនិយាយពន្យល់ជាភាសាអង់គ្លេស ដើម្បីពន្យល់ទៅកាន់មនុស្សក្នុងពិភពលោកឲ្យបានជ្រួតជ្រាបពីទស្សនៈនៃការយល់ឃើញរបស់លោក បន្ទាប់ពីផ្អាកធ្វើសកម្មភាពនយោបាយប៉ុន្មានខែកន្លងមកនេះ ក្រោយពីការបោះឆ្នោត នៅឆ្នាំ ២០១៨ ។ មនុស្សជាច្រើនត្រូវបានស្គាល់ឈ្មោះ លោក ខឹម វាសនា ប្រមុខគណបក្សសម្ព័ន្ធដើម្បីប្រជាធិបតេយ្យ ហៅកាត់ថា LDP រួចមកហើយ តាមរយៈសម្លេងចម្រុះជាភាសាខ្មែរ ដែលបានបង្ហោះនៅលើបណ្ដាញសង្គម Facebook និង YouTube ដែលជាពិសេសសម្លេងរាប់ពាន់ម៉ោងទាំងនោះត្រូវបានបង្ហោះនៅលើគេហទំព័រដែលបង្កើតជាច្រើនឆ្នាំ គឺ Camldp.ORG ប៉ុន្តែសម្លេងថ្មីៗក្រោយមកទៀត រួមទាំងវីដេអូត្រូវបានបង្ហោះ និង Live នៅលើទំព័របណ្ដាញសង្គមផ្លូវការរបស់ លោក ខឹម វាសនាផ្ទាល់ គឺ Khem Veasna’s Page ដែលមានការ Verified ដោយ Facebook ផងដែរ ។ នាពេលថ្មីៗនេះ

សម្ដេច ហ៊ុន សែន ៖ បាត់ EBA ក៏កម្ពុជាមិនស្លាប់ មាន EBA ក៏កម្ពុជាមិនមានទៅណា

ភ្នំពេញ ៖​ សម្ដេច ហ៊ុន សែន នាយករដ្ឋមន្ត្រី​កម្ពុជា​បាន​ថ្លែង​ដោយ​ភាព​ប្រាកដ​និយម​ថា ទោះបី​ត្រូវ​បាត់ EBA ក៏​កម្ពុជា​មិន​ស្លាប់​ឬ​ក្លាយទៅជា​អ្នកមាន​បានដែរ។ ការ​ថ្លែង​របស់​ប្រមុខ​រាជរដ្ឋាភិបាល​នេះ​គឺជា​ប្រតិកម្ម​ជា​សាធារណៈ​លើកដំបូង​បន្ទាប់ពី​គណៈកម្មការ​អឺរ៉ុប បាន​ព្យួរ​អនុគ្រោះ​ពន្ធ​មក​កម្ពុជា​កាលពី​ថ្ងៃទី​១១ ខែកុម្ភៈ កន្លងមកនេះ។ សម្ដេច ហ៊ុន សែន បាន​ថ្លែង​បែបនេះ​នៅក្នុង​ពី​ធី​បិទ​សន្និបាត​បូកសរុប​ការងារ​ឆ្នាំ ២០១៨ របស់​ក្រសួងមហាផ្ទៃ នា​រសៀល​ថ្ងៃទី ១៤ ខែកុម្ភៈ ឆ្នាំ​២០១៩​។ សម្តេច​បាន​លើក​ឡើង​ថា ពេលនេះ​ ត្រូវ​រួមគ្នា​ដើម្បី​ពង្រីក​ការលូតលាស់​ខាង​សេដ្ឋកិច្ច​ដើម្បី​បន្ត​ពង្រឹង​ឯករាជ្យភាព​ខាង​នយោបាយ​របស់​យើងៗ​មិន​ត្រូវ​យក​អធិបតេយ្យភាព​របស់​យើង​ទៅ​ដោះដូរ​ជាមួយនឹង​ជំនួយ​ណាមួយ​នោះឡើយ។ សម្តេច​បាន​បន្ត​ដោយ​ភាព​ម៉ឺងម៉ាត់​ថា «​ប្រទេស​មួយ​បើ​មិនអាច​អនុវត្ត​ច្បាប់​របស់​ខ្លួន​បាន​មិន​ចាំ​បាច់​ហៅថា ជា​រដ្ឋ​អធិបតេយ្យ​នោះ​ទេ។ យើង​ត្រូវ​ប្រែក្លាយ​ការ​ប្រឈម​ឲ្យ​ទៅជា​ឱកាស​ទៅជា​កាលានុវត្តភាព​នៃ​ការ​ខិតខំ​ឈានឡើង​នៃ​សេដ្ឋកិច្ច​របស់​យើង​»។ សម្តេច​បន្ត​ថា «​ការ​ព្យួរ EBA ដែល​មាន​រយៈពេល ១៨ ខែ ទើប​បានដឹង​លទ្ធផល​ថា តើ​នឹង​ត្រូវ​ដក​ឬ​មិន​ត្រូវ​ដក។ បើ​ទោះបី​ជា​បាត់ ​ឬ ​នៅ​មាន​បន្ត ក៏​មិន​អាច​ធ្វើ​ឲ្យ​យើង​ស្លាប់ ​ឬ ​ក្លាយទៅជា​អ្នកមាន​បាន​ដែរ។ EBA មុន​និង​ក្រោយ​គង់តែ​បាត់​ដូច​តែ​គ្នា គ្រាន់តែ​យូរ​និង​ឆាប់​តែប៉ុណ្ណោះ ដូចនេះ​ការ​រក​ស៊ី​បង់ពន្ធ​ឲ្យ​គេ​នឹង​គេ​បង់ពន្ធ​ឲ្យ​យើង គឺជា​រឿង​ជៀស​មិន​រួចហើយ​ថ្លៃថ្នូរ និង​មាន​ស្ថិរភាព​ទៀត​ផង យើង​ត្រូវ​រក​គ្រប់​វិធី​ដើម្បីអោយ​សេដ្ឋកិច្ច​របស់​យើង​កាន់តែ​មាន​ភាព​ប្រកួតប្រជែង​ខ្លាំង​ឡើង​» ។ នាយករដ្ឋមន្ត្រី​បាន​ថ្លែង​ទៅកាន់​ជនរួមជាតិ​ដោយ​ការ​ពន្យល់​ថា ជនរួមជាតិ ជាពិសេស

លោក​សម រង្ស៊ីថា គ្មានបំណង​ចូលមក​កម្ពុជា​ដើម្បីចាប់សម្ដេច ហ៊ុន សែន តែម្នាក់ឯង​ទេ

តាមរយៈ​​ទំព័រ​​ហ្វេ​ស​ប៊ុ​កនៅ​ព្រឹក​ថ្ងៃ​សៅរ៍​នេះ លោក​សម រង្ស៊ី ពី​ក្រៅប្រទេស​បានចេញ​សារ​អំពាវនាវ​ដល់​ប្រជាពលរដ្ឋ​ខ្មែរ​ទាំងអស់​ឱ្យ​ត្រៀមខ្លួន ដើម្បី​ជំរុញឱ្យមាន​ការផ្លាស់ប្តូ​រ​ជា​វិជ្ជមាន​នៅក្នុង​ឆ្នាំ២០១៩នេះ ។ ប៉ុន្តែ​ដើម្បី​ឈានទៅរក​ការផ្លាស់ប្តូរ​ដោយ​វិជ្ជមាន​នេះ លោក​អតីត​ប្រធាន​អតីត​បក្សប្រឆាំង​អំពាវនាវ​ឱ្យ​ពលរដ្ឋ​ខ្មែរ​ទាំងអស់​ត្រៀមខ្លួន​ធ្វើការ​តស៊ូ​ជាមួយ​លោក​ដោយ​ទាមទារ​នូវបញ្ហាសំខាន់ៗចំនួន​បី ។ បី​ចំណុច​ដែល​លោក​សម រង្ស៊ី ប្រាប់​ទៅកាន់​ប្រជាពលរដ្ឋ​ខ្មែរ​ឱ្យ​ត្រៀមលក្ខណៈ​ចូលរួម​តស៊ូ​ជាមួយ​លោក​នេះ គឺ ការទាមទារ​យក​ដីធ្លី ដែលមាន​ដីស្រែ ចំការ និង​ផ្ទះសម្បែង​ដែល​លោក​សម រង្ស៊ី​ថា អាជ្ញាធរ​ពុករលួយ និង​ឈ្មួញ​ខិលខូច​បាន​ប្លន់​យក ដោយ​ទាមទារ​យក​ទ្រព្យសម្បត្តិ​ទាំង​នោះមក​ប្រគល់ឱ្យ​ប្រជារាស្ត្រ​ក្រីក្រ និង​ទន់ខ្សោយ​វិញ។ ជាមួយគ្នានេះ លោក​អតីត​ប្រធាន​អតីត​គណបក្ស​សង្គ្រោះ​ជាតិ​ក៏បាន​អំពាវនាវ​ឱ្យ​ពលរដ្ឋ​ត្រៀមខ្លួន​ទាមទារ​ឱ្យ​លុបចោល​សម្បទាន​ដីធ្លី សម្បទាន​ព្រៃឈើ និង​សម្បទាន​រ៉ែ រយៈពេល​រាប់សិប​ឆ្នាំ​ដល់​ក្រុមហ៊ុន​បរទេស ដើម្បី​ប្រមូល​ទ្រព្យសម្បត្តិ​ជាតិ​ទាំងនោះ យកមក​បែង​ចែកជូន​ប្រជារាស្ត្រ​តូចតាច ក្នុង​លក្ខណៈ​ជា​គ្រួសារ ឬក៏​យកមក​គ្រប់គ្រង​សម្រាប់​បម្រើ​ផលប្រយោជន៍​សាធារណៈ។ បន្ថែម​លើ​នេះ លោក​ក៏​ជំ​រុញឱ្យ​ពលរដ្ឋ​ទាមទារ​ឱ្យមាន​ការលុបបំបាត់​បំណុល​ទាំងឡាយ​របស់​ប្រជារាស្ត្រ ដែល​លោក​សម រង្ស៊ី ថា បាន​ធ្លាក់ខ្លួន​ក្រ​ក្រោម​ការដឹកនាំ​របស់លោក​នាយករដ្ឋមន្ត្រី​ហ៊ុន សែន ព្រោះតែ​ត្រូវ​បង្ខំចិត្ត​ទៅ​ខ្ចីប្រាក់​ពី​ស្ថាប័នហិរញ្ញវត្ថុ​នានា រហូតដល់​ក្លាយទៅជា​ទាសករ​ហិរញ្ញវត្ថុ ។ សម្រាប់​លោក​សម រង្ស៊ី នេះ គឺ​មានន័យថា ពលរដ្ឋ​ជំពាក់​គេ​វ័ណ្ឌក រើបម្រះ​មិន​រួច ដោយសារតែ​មិនមាន​ប្រាក់ចំណូល​គ្រប់គ្រាន់ ហើយ​ត្រូវ​ខ្ចីលុយ​គេ​ថែមទៀត​កាន់តែច្រើនឡើងៗ រក​ច្រកចេញ​មិន​រួច។ ប៉ុន្តែ​ការអំពាវនាវ​ទាំង​អម្បាលម៉ាន​របស់លោក​ស​ម រង្ស៊ី​នេះ ត្រូវបាន​គណបក្ស​ប្រជាជន​កម្ពុជា​ចាត់ទុកថា ជាការ​ប្រើប្រាស់​នយោបាយ​ប៉ុល ពត។

កសិករពោធិ៍សាត់មួយក្រុម ជួបជុំគ្នាលេងបៀរ-ឆ្នោត ដល់ប៉ូលីសចុះបង្ក្រាបរត់ចោលវង់

ពោធិ៍សាត់ៈ កម្លាំង​ប៉ុស្តិ៍​នគរ​បាល រដ្ឋ​បាល​អន្លង់​រាប បាន​សហ​ការ​ជា​មួយ​កម្លាំង​ អធិការ ​ដឹក​នាំ​ដោយ​លោក វរៈ​សេនីយ​ត្រី លួង ប៊ុនឡាយ ឋានៈ​អធិការ​រង​ផ្នែក​ការងារ​ព្រហ្មទណ្ឌ បាន​ចុះ​បង្ក្រាប​វង់​ល្បែង​ស៊ី​សង​ខុស​ច្បាប់ (លេង​បៀរ) ចំនួន​ពីរ​វង់ ដោយ​ចាប់​បាន​តែ​ស្បែក​ជើង​ប្រុស​ស្រី​១១​គូ រីឯ​មនុស្ស គ្មាន​ចាប់​បាន​ម្នាក់​សោះ​ឡើយ ។ ករណី​នេះ​ត្រូវ​គេ​ធ្វើ​ឡើង​កាល​ពី​វេលា​ម៉ោង​១៥​និង​៣០​នាទី ថ្ងៃ​ទី៨ ខែ​កុម្ភៈ ឆ្នាំ​២០១៩ ស្ថិត​នៅ​ចំណុច​ក្រោម​ផ្ទះ​របស់​ឈ្មោះ សៅ រដ្ឋា (ហៅ​កា​ធំ) ភេទ​ស្រី អាយុ​៤០​ឆ្នាំ ជន​ជាតិ​ខ្មែរ មុខ​របរ​កសិករ រស់​នៅ​ភូមិ​ក្រាំង​រងៀង ឃុំ​អន្លង់​រាប ស្រុក​វាល​វែង ខេត្ត​ពោធិ៍​សាត់ ។ សមត្ថកិច្ច​ចាប់​បាន​វត្ថុតាង​ផង​ដែរ បៀរ​ពណ៌​ខៀវ ចំនួន​២៦០​សន្លឹក, លុយ​ខ្មែរ​ចំនួន​១៧០០០៛, កំរាល​កន្ទេល​ចំនួន​០២​និង​ភួយ​ចំនួន​០១, ទ្រនាប់​ជើង​ចំនួន​១១​គូ, សៀវភៅ​កត់​កន្ទុយ​លេខ​ចំនួន​១​ក្បាល, ម៉ូតូ​ចំនួន​០៦​គ្រឿង, ម៉ូតូ​អា​សង់ ពណ៌​ខ្មៅ ស៊េរី ឆ្នាំ​២០១៨​ចំនួន​០៣​គ្រឿង, ម៉ូតូ​អាសង់ ពណ៌​ខ្មៅ ស៊េរី ឆ្នាំ​២០១៧​ចំនួន​០១​គ្រឿង, ម៉ូតូ​ស្កុបពី ពណ៌​ស​ចំនួន​០១​គ្រឿង និង ម៉ូតូ​អា​វេវ​អាល់ហ្វា ពណ៌​ខៀវ​ចំនួន​០១​គ្រឿង (អត់​ស្លាក​លេខ)

ចប់បាត់! ចាប់ញាត់ឡាន វាយ៥ដៃ ដឹកដល់កន្លែង ដឹកដល់ប៉ុស្ដិ៍ ប្រាប់ថាចាប់ច្រឡំមនុស្ស

ភ្នំពេញៈ​ បុរស​ម្នាក់​ ប្រកាស​ថា នឹង​ដាក់​ពាក្យ​បណ្តឹង​ទៅ​តុលាការ​ចំនួន​២​ករណី​ ១.​ការ​អនុវត្ត​ច្បាប់​ខុស​នីតិវិធី​ ទី​២.​ អំពើ​ហិង្សា ​ដោយ​ចេតនា​ ទៅ​លើ​ក្រុម​មន្ត្រី​ន​របាល​ មន្ទីរ​ប្រឆាំង​គ្រឿង​ញៀន​ នៃ​អគ្គ​ស្នង​ការ​នគរ​បាល​ជាតិ​ ដែល​បាន​ចាប់​រូប​គាត់​ ហើយ​ប្រើ​អំពើ​ហិង្សា​ថែម​ទៀត​ ។​ ហេតុ​ការណ៍​ខាងលើ​ បាន​កើតឡើង​នៅ​វេលា​ម៉ោង​ប្រហែល​១១​យប់​ ថ្ងៃ​ទី​៨​ ខែកុម្ភៈ​ ឆ្នាំ​២០១៩​ នៅ​ចំណុច​ច្រមុះ​ជ្រូក​ក្បាល​ថ្នល់​ សង្កាត់​ផ្សារ​ដើម​ថ្កូវ​ ខណ្ឌ​ចំការ​មន​ រាជ​ធានី​ភ្នំ​ពេញ​ ។ ប្រភព​ពី​កន្លែង​កើតហេតុ​ បានឲ្យ​ដឹង​ថា ​មុន​ពេល​កើត​ហេតុ​ មាន​មនុស្ស​មួយ​ក្រុម ​និង​រថយន្ត​មួយ​គ្រឿង​ ដែល​ត្រូវ​បាន​គេ​ស្គាល់​ថា ​ជា​មន្ត្រី​នគរបាល នៃមន្ទីរ​ប្រយុទ្ធ​ប្រឆាំង​គ្រឿងញៀន​ នៃ​អគ្គ​ស្នង​ការ​ដ្ឋាន​នគរ​បាល​ជាតិ​ ស្លៀកពាក់​ស៊ីវិល​ បាន​ចាប់​បុរស​ម្នាក់ ​​ញាត់​ចូល​រថយន្ត​ដឹក​មក​អគ្គស្នងការ​នគរបាល​ជាតិ​ សង្ស័យ​ពាក់​ព័ន្ធ​ករណី​គ្រឿង​ញៀន​ ។​ ​បុរស​រង​គ្រោះ​ ដែល​ត្រូវ​បាន​នគរ​បាល​ចាប់​ច្រឡំ​ មាន​ឈ្មោះ​ ឡាយ​ ប៊ុ​ន​ថូ​ អាយុ​៣១​ឆ្នាំ​ ស្នាក់​នៅ​សង្កាត់​ទួល​ទំពូង​២​ ផ្លូវ​៤៧៦​ ខណ្ឌចំការមន​ ធ្វើការ​នៅ​ក្រសួង​ធនធានទឹក​ នៅ​នាយកដ្ឋាន​ការ​ត្រួតពិនិត្យ​ ធ្វើ​អាជីវកម្ម​ និង​អភិ​រក្ស​ ត្រូវ​នគរបាល​ចាប់​នៅ​ម្តុំ​ស្ពាន​អាកាស​ក្បាលថ្នល់​ ជិត​កា​រ៉ា​ស់​សាំង​សូ​គី​មិច​។​ ​បុរស​រង​គ្រោះ​បន្ត​ថា​ ក្រុម​មន្ត្រី​នគរ​បាល​នៃ​មន្ទីរ​ប្រឆាំង​គ្រឿងញៀន​

មេប៉េអឹមខេត្ត​រតនគិរី គឹម រស្មី អស់បុណ្យ ក្រោយ​បែកធ្លាយ​ចែកលុយកូន ៥០​ម៉ឺន​ដុល្លារ (វីដេអូ)

ភ្នំពេញៈ មតិ​ជា​ច្រើន​បាន​គាំទ្រ​ចំពោះ​ចំណាត់​ការ​ក្ដៅ​លើ​លោក ​គឹម រស្មី មេ​ប៉េអឹម​ខេត្ត​រតនគិរី ​ដែល​ត្រូវ​បាន​លុប​ចេញ​ពី​ក្របខ័ណ្ឌ​មន្ត្រី​យោធា ហើយ​អស់​តំណែង​ជា​មេបញ្ជាការ​ប៉េអឹម​ទៀត​។ ចំណាត់​ការ​ក្ដៅៗ​នេះ ត្រូវ​បាន​គេ​មើល​ឃើញ​ថា រាជរដ្ឋាភិបាល​សម្រេច​ធ្វើ​ឡើង​តាម​អភិក្រម​ទី៥ របស់​លោក​នាយករដ្ឋមន្រ្តី​ ហ៊ុន សែន ឲ្យ​វះ​កាត់​សាច់​ស្អុយ​មួយ​ដុំ​នេះ​ចេញ បន្ទាប់​ពី​មេ​ប៉េអឹម​រូប​នេះ ជះ​លុយ​ម្ដង​កន្លះ​លាន​ដុល្លារ ដើម្បី​ចែក​ដល់​កូន​តូច​កូន​ធំ​ក្នុង​ពិធី​ខួប​កំណើត​កាល​ពី​ពេល​ថ្មីៗ​កន្លង​ទៅ​នេះ។ បើ​តាម​ទំព័រ​ហ្វេសប៊ុក​របស់​លោក​នាយករដ្ឋមន្រ្តី ហ៊ុន សែន នៅ​ព្រលប់​ថ្ងៃទី​០៩ ខែ​កុម្ភៈ​នេះ បាន​ឲ្យ​ដឹង​ថា លោក គឹម រស្មី ដែល​ជា​នាយ​ទាហាន​ ឋានៈ​ឧត្តមសេនីយ៍​ត្រី (ផ្កាយ​១) និង​ជា​មេ​បញ្ជា​ការ​កង​រាជ​អាវុធ​ហត្ថ​ខេត្ត​រតន​គិរី ត្រូវ​បាន​ព្រះ​មហា​ក្សត្រ ត្រាស់​បង្គាប់​ឲ្យ​លុប​ចេញ​ពី​ក្រប​ខ័ណ្ឌ នៃ​កង​យោធ​ពល​ខេមរ​ភូមិន្ទ​។ ប៉ុន្តែ​ការ​នេះ សម្ដេច​បញ្ជាក់​ថា គឺ​ជា​ការ​វះ​កាត់​ប្រកប​ដោយ​ការ​ឈឺ​ចាប់​។ នេះ​ជា​អភិ​ក្រម​ទី​៥ គឺ​ការ​វះ​កាត់​។ ជុំ​វិញ​ការ​សម្រេច​បញ្ចប់​មុខ​តំណែង​ និង​ក្រប​ខ័ណ្ឌ​របស់​លោក​ គឹម រស្មី នៅ​ពេល​នេះ បាន​ធ្វើ​ឲ្យ​មតិ​សាធារណ​ជន​សាទរ និង​មាន​ការ​គាំទ្រ​ពេញ​ទំហឹង​ចំពោះ​ចំណាត់​ការ​របស់​រាជរដ្ឋាភិបាល​។ ប៉ុន្តែ​មតិ​មួយ​ចំនួន នៅ​មាន​ចម្ងល់​ថា បន្ទាប់​ពី​អស់​តំណែង អស់​ក្រប​ខ័ណ្ឌ តើ​លោក គឹម រស្មី អាច​នឹង​ត្រូវ​អង្គ​ភាព​ប្រឆាំង​អំពើ​ពុក​រលួយ បើក​ការ​ស៊ើប​អង្កេត​ឬ​យ៉ាង​ណា? ព្រោះ​ថា មន្ត្រី​រាជ​ការ​ប្រាក់​ខែ​តែ​បន្តិច​បន្តួច​ទេ

អ្នកគិតលុយផ្សារថៃម្នាក់ថា «ខ្មែរគ្មានមាយាទ» បន្ទាប់ពីស្រីខ្មែរម្នាក់មិនចូលតម្រង់ជួរពេលគិតលុយ

ស្រីម្នាក់​ទំនងជា​ជនជាតិ​ខ្មែរ​ត្រូវ​បាន​អ្នកគិតលុយផ្សាររ៉ុងគឿប្រទេសថៃ រិះគន់ដោយប្រយោលទៅកាន់ស្រីនោះបន្ទាប់ពីនាងបានចូលទៅកាន់កន្លែងគិតលុយដោយមិនបានតម្រង់ជួរដូចអ្នកឯទៀត ដោយបានបោះសម្ដីថា ខ្មែរគ្មានមាយាទទៀតផង ។ បន្ទាប់ពីមានការចែកចាយព័ត៌មានដែលរៀបរាប់ដោយអាខោនហ្វេសប៊ុក ដែលមិនដឹងឈ្មោះពិតប្រាកដ ត្រូវបានចែកចាយដោយ Facebook Page ផ្សេងៗក៏ដូចជាផុសបន្ដៗគ្នា រឿងដែលស្រី្តខ្មែរម្នាក់បានចូលទៅគិតលុយ ដោយមិនតម្រង់ជួរ ហើយទំនងជាខឹងនឹងអ្នកគិតលុយថៃ ក៏ធ្វើការចូលទៅកន្លែងគិតលុយផ្សេងទៀត បន្ទាប់មកក៏​មាន​ការ​រិះគន់​ភ្លាមៗផងដែរ ដោយអ្នកគិតលុយប្រាប់ទៅកាន់​អ្នក​ដែល​តម្រង់​ជួរ​ជា​ភាសាថៃថា ដោយ​និយាយថា ​ខ្មែរ​ចរិត​បែបហ្នឹង​គ្មាន​មាយាទទេ ខាងយើងខ្ញុំ​សូមទោសផង ។ ក្នុងពេលបង្ហោះនោះ មតិយោបល់មួយចំនួនក៏បានផុសឡើងតាមអារម្មណ៍ និងការយល់ឃើញរបស់ពួកគេចំពោះរឿងនេះ ដោយមានអ្នកលេងបណ្ដាញសង្គមខ្លះបានធ្វើការបកស្រាយដើម្បីស្រប និងរិះគន់ដើម្បីឲ្យធ្វើការកែប្រែ ៖ ចេះតែនិយាយផ្តាសដោយមិនមានការគិតពិចារណា! ទង្វើនៃចំនុចនេះគេមិនហៅថា«ចរឹកខ្មែរ»ទេ នេះគេហៅថា«ទង្វើអវិជ្ជារបស់ប្រទេសក្រីក្រ» ។ ឈរមិនតម្រង់ជួរមិនមែនមាននៅតែខ្មែរទេ ពោលគឺអោយតែប្រទេសអវិជ្ជាគឺអញ្ចឹងទាំងអស់៕ តែខ្ញុំថាបេីបងនិយាយជាភាសាខ្មែរប្រាប់គាត់ថាមិនអត់អីទេបងបែបបងមិនសូវឈឺចិត្តទេដេីម្បីអោយគាត់នោះដឹងថាជនជាតិខ្មែរមិនមែនទាំងអស់នោះទេ តែបែបបងមិនហ៊ាននិយាយជាភាសាខ្មែរព្រោះខ្លាចគេដៀលដែរ ឬយ៉ាងណានខ្ញុំអត់ដឹងដែរ តែថាសុំអោយបងប្អូនមានសុជីវធម៌ក្នុងទីសាធារណះគ្រប់ពេលវេលាគ្រប់ទីកន្លែងទេីបគួរអោយជាទីគោព។ និយាយត្រូវនោះត្រូវ​ បងៗខ្លះទៅដល់ណាផ្អេីលត្រង់នឹង​ មែននឹង ពេលចូលបន្ទប់ទឹកក៏ដូចគ្នា គេឈរដំរង់ជួរខ្មែរអែងដើរមកចូលមុនគេធ្វើមិនដឹង ភាគច្រេីនចរឹកបែបនឹងគឺពួកទេីបតែស្គាល់មាន បេីអ្នកមានចំ អ្នកក្រចំគេមិនចឹងទេ បេីថាអ្នកក្រវិញហេរឹតតែស្រួលនិយាយគ្នា ហើយអ្នកឯងដែរបានឈជាជួរ មិចមិនតវ៉ា? អ្នកឯងក្លាចគេដឹចថាខ្លួនអ្នកខ្មែរ រឺមិនមែន? បើពេលនោះបងឯងប្រាប់គេថា ខ្ញុំក៏ជាខ្មែរដែរ !! ម្លេះនាង Cashier

យកឡានជិះ ដើរលេងអត់ចូលផ្ទះ ឪពុកប្តឹងប៉ូលិសតាមចាប់ ភ័យពេកបើកធ្លាក់ប្រឡាយ

ស្វាយរៀងៈ យុវជនម្នាក់ រួមនិងមិត្តភក្តិរបស់គេ ត្រូវសមត្ថកិច្ចឃាត់ខ្លួន ខណៈដែលខ្លួនជាកូនបានយករថយន្ត Lexus RX330 មួយគ្រឿង របស់ឪពុកបើកមិនដឹងថាទៅកន្លែងណានោះទេ ។ព្រោះតែឪពុកខ្លាចប៉ះពាល់ និងបង្កគ្រោះថ្នាក់ចរាចរណ៍ដល់អ្នកដទៃផងនោះ គាត់ជាឪពុកក៏បានប្តឹងសមត្ថកិច្ចក្រុងបាវិតឲ្យជួយឃាត់ឡានទុក តែពេលដែលឃើញសមត្ថកិច្ចដេញតាមពីក្រោយដើម្បីឃាត់​ ស្រាប់តែរថយន្ដដែលបើកបរជាកូន បានបន្ថែមល្បឿនលឿនដូចហោះធ្លាក់ប្រឡាយទឹកជាប់សាលារៀន ជាប់នឹងរបងវត្តខ្ជាយទៅមុខលែងរួច កាលពីវេលាម៉ោង ៩៖៣០នាទីព្រឹក ថ្ងៃទី៧ ខែកុម្ភៈ ឆ្នាំ២០១៩ នៅត្រង់ចំណុចខាងកើតរបងវត្តខ្ជាយ ស្ថិតក្នុងភូមិខ្ជាយ ឃុំរមាំងថ្កោល ស្រុកស្វាយទាប ខេត្តស្វាយរៀង នាពេលថ្មីៗនេះ ។ បើតាមពលរដ្ឋបានឃើញហេតុការណ៍នេះ បានប្រាប់ឲ្យដឹងថា នៅមុនពេលកើតហេតុ គេឃើញមានរថយន្តម៉ាក Lexus RX330 មួយគ្រឿង ពណ៌ទឹកមាស ពាក់ស្លាកលេខ ភ្នំពេញ 2AN-9931 ធ្វើដំណើរពីទិសខាងត្បូងទៅជើង ដែលមានរថយន្តសមត្ថកិច្ចដេញតាមពីក្រោយ ។ ប្រភពបានបន្តទៀតថា លុះមកដល់ចំណុចកើតហេតុខាងលើ ដោយផ្លូវនេះរាងកោងផង ក៏រេចង្កូតមកខាងលិចផ្លូវធ្លាក់ចូលប្រឡាយត្រាំក្នុងទឹកទាំងម៉ាស៊ីនមិនទាន់រលត់តែម្ដង ។ បើតាមសមត្ថកិច្ចស្រុកស្វាយទាប បានឲ្យដឹងថា ក្រោយបានទទួលពាក្យបណ្តឹងពីឪពុកភ្លាមៗ របស់យុវជនខាងលើ សមត្ថកិច្ចបានចេញមកស្ទាក់លើផ្លូវជាតិលេខ១ ក៏ជួបប្រទះរថយន្តខាងលើ នាំគ្នាដេញតាមហើយមកដល់ចំណុចក្លោងទ្វារវត្តខ្ជាយដែលមានអាសយដ្ឋានខាងលើ យុវជនដែលជាកូន បានបត់ស្តាំសំដៅទៅទិសខាងជើង