Category: ព័ត៌មានអន្តរជាតិ

ស្ត្រីម្នាក់ខូចម៉ូតូកណ្តាលផ្លូវធំពិបាករកន្លែងចត បានតៃកុងឡានក្រុងជួយ

ស្ត្រីម្នាក់បានខូចម៉ូតូនាកណ្តាលផ្លូវដ៏ធំនាទីក្រុងមួយពិបាករកន្លែងចតណាស់ តៃកុងឡានក្រុងម្នាក់ពេលដែលបានឃើញហេតុការណ៍នេះហើយក៏បានឈប់ឡានដើម្បីជួយនាង ដែលតៃកុងឡាននោះបានឈប់ឡានជារនាំងដើម្បីអោយនាងអាចសស៊ែរចូលទៅរកន្លែងចតនៅគៀនបាន តៃកុងឡានក្រុងព្យាយាមធ្វើជារនាំងបើកសស៊ែរបន្តិចម្តងៗដើម្បីអោយស្ត្រីរូបនោះនាងអាចទៅរកកន្លែងចតនៅខាងគៀន តៃកុងឡានព្យាយាមស្រែកប្រាប់នាងអោយនាងចូលទៅខាងគៀនទៅព្រោះឡានរបស់គាត់បានធ្វើជារនាំងដល់នាងហើយ ពេលដែលស្ត្រីនោះបណ្តើរម៉ូតូចូលទៅដល់គៀនហើយតៃកុងឡានក៏បានបើកចេញទៅ។

ប៉ូលីសមាឌធំៗដល់ទៅពីរនាក់បែរជាធ្វើអីជនល្មើសតែម្នាក់ឯងមិនកើត

ប៉ូលីសពីរនាក់ត្រូវបានជនល្មើសបាញ់អោយរត់ផាស់ក្រញាំបន្ទាប់ពីចាប់ជនល្មើសដាក់ខ្នោះមិនបាន ជនល្មើសម្នាក់ត្រូវបានសង្ស័យថាប្រើប្រាស់គ្រឿងញានខុសច្បាប់ត្រូវបានឃាត់ដោយប៉ូលីស ពេលដែលជនល្មើសត្រូវឃាត់ខ្លួនប៉ូលីសទាំងពីរនាក់ក៏ចូលទៅដើម្បីដាក់ខ្នោះយកទៅសួនាំ តែជនល្មើសមិនព្រមអោយដាក់ខ្នោះទេ ជនល្មើសបានរើខ្លួនយ៉ាងខ្លាំងដើម្បីគេចពីការចាប់ខ្លួន ពេលនោះទាំងប៉ូលីសទាំងចោរប្រតាយប្រតប់គ្នាយ៉ាងខ្លាំងរហូតដល់ប៉ូលីសដកអាវុធបាញ់ទៅលើជនល្មើស ទោះយ៉ាងណាក៏ដោយជនល្មើសនៅតែរើខ្លួនយ៉ាងខ្លាំងដោយមិនព្រមអោយប៉ូលីសចាប់ខ្លួនទេ ការប្រតាយប្រតប់ពេលនោះគឺប៉ូលីសមិនអាចចាប់ជនល្មើសបានឡើយ រហូតដល់ជនល្មើសរត់ទៅយកកាំភ្លើងក្នុងឡានរបស់ខ្លួនបានមកបាញ់ប៉ូលីសរត់ចែកជើងគ្នាព្រាតទៅវិញ។ ហួសចិត្ត!

បុរសជនជាតិឥណ្ឌាម្នាក់នេះគោរពបូជាលោកTrumpថាជាព្រះរបស់គាត់

បុរសជនជាតិឥណ្ឌាម្នាក់នេះបានគោរពបូជាលោក Donald Trump ថាជាព្រះដែលគួដល់ការធ្វើសក្ការៈរបស់គាត់។​ Bussa គាត់បានដាក់រូបថតលោកដូណាល់ត្រាំជារៀងបញ្ឈរនៅក្នុងអាសនៈ ហើយធ្វើការបូជាបែបពីធីសាសដែលគាត់ក្នងការដែលគាត់យកលោកត្រាំជាព្រះ។ Bussa គាត់បានធ្វើនេះអស់រយៈពេល៣ឆ្នាំកន្លងមកហើយ គាត់បានធ្វើការគោរពបូជាដូច្នេះជារៀងរាល់ថ្ងៃមិនដែលខកខានថ្ងៃណាមួយឡើយ។ មិនតែប៉ុណ្ណោះគាត់ថែមទាំងបានបញ្ចុះបញ្ចូលអ្នកជិតខាងរបស់គាត់អោយធ្វើរឿងដូចគាត់ផងដែរ​ ដែលយកលោក Donald Trump មកធ្វើជាព្រះដែលគួដល់ការការធ្វើសក្ការៈបូជា។ Bussa លុតជង្គង់នៅហ្នឹងមុខរូបថតលោក Trump ដែលស្ថិតក្នុងអាសនៈសក្ការៈរបស់គាត់ដោយយល់ថាលោកត្រាំជាព្រះ។ Bussa គោរពលោកTrumpខ្លាំងណាស់ គ្មានអ្នកណាម្នាក់សូម្បីតែឪពុកម្តាយរបស់គាត់ មិនអាចបញ្ឈប់គាត់អោយឈប់ធ្វើរឿងអបិយជំនឿដូច្នេះបានឡើយ ព្រោះគ្រួសាររបស់គាត់គ្មានជំនឿលើអ្វីដែលBussaកំពុងធ្វើឡើយ ដោយចង់យកគាត់ទៅអោយពេទ្យចិត្តសាស្ត្រដើម្បីពិនិត្យមើលទៀតផង។ Bussa គាត់បានផ្តល់បទសម្ភាសថា អ្នកផ្ទះដែលជាក្រុមគ្រួសាររបស់គាត់ព្រមទាំងអ្នកភូមិបានថាគាត់ជាមនុស្សឆ្កួត Bussa បានប្រាប់ទៅពួកគេវិញថា គាត់មិនឆ្កួតទេ ហើយក៏មិនចង់ទៅអោយពេទ្យចិត្តសាស្ត្រពិនិត្យដែរ ព្រោះBussaបានយកលោកត្រាំជាព្រះទៅហើយ Bussaបន្តរថាគាត់មិនខ្វល់អំពីការនិយាយអ្វីដែលអ្នកជិតខាងនិងគ្រួសារគាត់និយាយឡើយ ព្រោះលោកTrumpគឺជាព្រះស្ថិតក្នុងបេះដូងរបស់គាត់ ហើយគាត់ចូលចិត្តលោកត្រាំខ្លាំងណាស់ ដូច្នេះហើយលោកTrumpគួដល់ការគោរពសក្ការៈខ្លាំងណាស់។ Bussa តែងតែយករូបថតលោកត្រាំទៅតាមខ្លួនគ្រប់ទីកន្លែងដើម្បីធ្វើការគោរពបូជា មិនថាទៅទីណាណាទេសូម្បីតែហាងទំនិញ ឫក៏ទៅតាមទីវាលផ្សេងៗដូចជាវាលស្រែជាដើមគឺគាត់យកទៅតាមខ្លួនរហូត វត្ថមានរូបថតលោកត្រាំត្រូវBussaដាក់ជាប់តាមខ្លួនជានិច្ច។ Bussaពេលនេះគាត់មានគម្រោងចង់សាងសង់កន្លែងធ្វើសក្ការៈបូជាលោកត្រាំអោយបានធំជាងមុន ហើយគម្រោងសាងសង់អាចនិងរួចជាស្ថាពរក្នុងរយៈពេល៦ខែក្រោយ។ ពិតប្រាកដណាស់គឺBussaគាត់ចង់បង្កើតជាសាសនាថ្មីមួយទៀតដោយយកលោកត្រាំធ្វើជាព្រះ។ បញ្ជាក់Bussaគឺជាជនជាតិឥណ្ឌា! Credit: Daily Mail

អ្នកដែលបើកឡានបុកមនុស្សចំណាស់ម្នាក់ដោយចេតនាត្រូវបានរកឃើញ

ខាងសមត្ថិកិច្ចបានវែករកមុខអ្នកដែលបានបើកឡានជាន់បុរសចំណាស់ម្នាក់ដោយចេតនាឃើញហើយពេលនេះ។ កាលពីសប្តាហ៍មុនវីដេអូនៃរថយន្ត SUV ដែលកំពុងបើកបរជាន់លើបុរសចំណាស់ម្នាក់ ត្រូវថតបានដោយកាមេរ៉ាសុវត្ថិភាព ហើយបានចុះផ្សាយនៅលើទូរទស្សន៍ CCTV ដែលធ្វើអោយមហាជនមានការខឹងសម្បាយ៉ាងខ្លាំង។ វីដេអូដែលបានបង្ហាញកាមេរ៉ាសុវត្ថិភាពពីដំណើរដើមតូងដែលមនុស្សចាស់កំពុងឈរនៅកណ្តាលផ្លូវរ៉េរ៊ាៗនៅហ្នឹងមុខឡាន បណ្តាលអោយអ្នកបើកឡានខឹងយ៉ាងខ្លាំង។ នៅពេលដែលរថយន្តSUVនោះបានមកដល់ បរុសចំណាស់ម្នាក់នោះមិនព្រមដើរអោយលឿនទៅកៀនទេ បរុសចំណាស់នោះហាក់ដូចជាកំពុងរាំឌឺដងទៀតផង មុននឹងគាត់ដើរចេញពីមុខឡាន ហើយពេលនោះអ្នកបើករថយន្តម៉ាកSUVក៏បើកជាន់ពីលើបុរសចំណាស់ម្នាក់នោះទៅ។ ក្រោយកើតហេតុមានអ្នកលេងហ្វេសបុកម្នាក់មានឈ្មោះថា Margie Reyes បានផុសអំពីបញ្ហានេះព្រមជាមួយរូបថតពីរសន្លឹក។ រូបថតដែលបានចុះផ្សាយនោះគឺជាLicenseបើកបរព្រមទាំងរូបថតរបស់ជនល្មើសផ្ទាល់ គ្រាន់តែផុសមិនទាន់បានយូរប៉ុន្មានផងក៏ស្រាប់តែក្រុមសម្ថតិច្ចក៏យកទៅចែកចាយបន្ថែម។ ទន្ទឹមនឹងនេះដែរជនរងគ្រោះដែលត្រូវបានគេស្គាល់អត្តសញ្ញាណឈ្មោះថា Raymundo បានទទួលការព្យាបាលយ៉ាងយកចិត្តទុកដាក់ដោយចៅហ្វាយក្រុងPateros ហើយជនរងគ្រោះត្រូវបានគេនាំទៅកាន់កន្លែងសំរាកមើលថែយ៉ាងម៉តហ្ចត់។ ចំពោះពណ៌មានដែលបានបង្ហោះចែកចាយតាមទំព័រហ្វេសបុកត្រូវបានមហាជនComment ពីចេតនាដ៏អាក្រក់របស់ម្ចាស់ឡានដែលបានធ្វើទៅលើបុរសចំណាស់នោះ។ អ្នកលេងបណ្តាញសង្គមក៏បានCommentទៀតថា ហេតុអីពេលនោះមនុស្សជាច្រើនមិនព្រមបញ្ចូនបុរសចំណាស់ម្នាក់នោះទៅពេទ្យភ្លាមៗ បណ្តោយទុកគាត់ចោលអោយដេកនៅលើដីទាំងដែលមានរបួស គួណាស់តែជួយយកគាត់ទៅពេទ្យផង។

ជំនួបលោកប្រធានាធិបតីTrumpនិងលោកគីមជុងអ៊ុននៃប្រទេសកូរ៉េខាងជើង

មកមើលពីជំនួបកន្លងទៅរវាង លោកប្រធានាធិបតី Trump និងលោកគីមជុងអ៊ុនមេដឹកនាំផ្តាច់នៃប្រទេសកូរ៉េខាងជើង ដែលបានជួបគ្នាជាលើកដំបូងមុនពេលធ្វើដំណើរទៅកាន់កិច្ចប្រជុំមួយទល់នឹងមួយ។ ជាប្រវត្តិសាស្ត្រលើកដំបូងបង្អស់ដែលមេដឹកនាំផ្តាច់ការលោកគីមជុងអ៊ុនប្រមុខរដ្ឋកូរ៉េខាងជើង បានឡើងមកជួបចចារជាមួយលោកដូណាល់ត្រាំប្រធានាធិបតីសហរដ្ឋអាមេរិកលើទឹកដីប្រទេសសិង្ហបុរី នេះចាត់ទុកជាប្រវត្តិសាស្ត្រដ៏អស្ចារ្យដែលកំរបានជួបហើយក៏មិនដែលសង្ឃឹមថារឿងនេះវាអាចហ្នឹងកើតមានឡើងបានទេ។ បើទោះជារយៈពេលកន្លងមកប្រទេសទាំងពីរនេះមានការគំរាមកំហែងគ្នាទៅវិញទៅមកដោយសង្គ្រាមនុយក្លេអ៊ែរក៏ពិតមែន តែឥឡូវនេះពួកគេបានឡើងមកអង្គុយក្នុងតុចចារដើម្បីពិភាក្សាអំពីបញ្ហាការរុះរើនៃកម្មវិធីនុយក្លេអ៊ែររបស់កូរ៉េខាងជើងដែលតែងតែចោទជាបញ្ហានោះ។ លោកគីមជុងអ៊ុនមេដឹកនៃប្រទេសកូរ៉េខាងជើងបាននិយាយថាខ្លួនចង់ពិភាក្សាជាមួយអាមេរិកគឺដើម្បីបន្ថយភាពតានតឹងតែប៉ុណ្ណោះ។ លោកគីមជុងអ៊ុនបន្តថា ការដែលលោកឡើងមកអង្គុយក្នុងទីនេះគឺជារឿងដែលពិភពលោកមិនសង្ឃឹមថាហ្នឹងអាចកើតមានឡើងបានទេ។ លោកគីមជុងអ៊ុនបានប្រឆាំងចំពោះគំនិតដកចេញនូវអាវុធនុយក្លេអ៊ែរ ហើយមានការខ្វែងគំនិតមួយចំនួននៅក្នុងផែនការនៃកិច្ចប្រជុំកំពូលនេះ។ ប៉ុន្តែលោក Trump  បានព្យាយាមបញ្ចុះបញ្ចូលលោកគីមជុងអ៊ុនអោយលោកគីមជុងអ៊ុននេះធ្វើការលះបង់កម្មវិធីអាវុធនុយក្លេអ៊ែររបស់ខ្លួន ហើយរាល់ការរុះរើរសហរដ្ឋអាមេរិកនឹងផ្តល់ជាជំនួយមួយចំនួនផងដែរ។ ក្នុងជំនួបនេះត្រូវបានពិភពលោកកត់ត្រាទុកថាគឺជារឿងដ៏អស្ចារ្យបំផុតនៃដំណែងប្រធានាធិបតីសហរដ្ឋអាមេរិកគឺលោក Trump ។ ដកស្រង់ពី៖ The New York Times

ដំណឹងថ្មីៗ!​ ក្ដៅៗ! ប្រធានាធិបតី​វៀតណាម ទទួល​មរណភាព​ហើយ!

ប្រធានាធិបតី​វៀតណាមលោក ត្រាន ដៃក្វាង (Tran Dai Quang) បានទទួល​មរណភាពហើយ​ នៅអាយុ ៦១ឆ្នាំ។ នេះបើតាម​ការចេញផ្សាយ​​ដោយ ទីភ្នាក់ងារ​ព័ត៌មានចិន ស៊ីនហួរ ចេញផ្សាយ​នៅមុននេះបន្តិចនា​រសៀលថ្ងៃសុក្រ ទី២១ ខែកញ្ញា ឆ្នាំ២០១៨។ យោងតាមការដកស្រង់ការផ្សាយ​ពីវិទ្យុរដ្ឋរបស់ប្រទេសវៀតណាម ប្រធានាធិបតីលោក ត្រាន ដៃក្វាង បានទទួល​មរណ​ភាព​បន្ទាប់ពីលោក បានរងការវាយប្រហារ​ដោយជំងឺយ៉ាង​ធ្ងន់ធ្ងរ។ វិទ្យុរដ្ឋវៀតណាម​បានចេញផ្សាយទៀតថា ប្រធានាធិបតី​វៀតណាមបានទទួល​មរណភាព​នៅ​វេលាម៉ោង ១០៖០៥នាទីព្រឹក (ម៉ោងនៅទីក្រុងហាណូយ) ក្នុងមន្ទីរពេទ្យ​យោធា​នៃប្រទេស​វៀតណាម។ គួរបញ្ជាក់ថា លោក Tran ត្រូវបានក្រុម​គ្រូពេទ្យ​ក្នុងស្រុក ក្រៅប្រទេស និងសាស្ត្រាចារ្យ​​ពេទ្យជាច្រើនរូប​​ ព្យាយាម​ជួយសង្គ្រោះ ប៉ុន្តែលោកនៅ​តែមិនអាចឆ្លងផុត​គ្រោះថ្នាក់ដដែល ខណៈគេនៅមិន​ទាន់ដឹងថា តើជំងឺធ្ងន់ធ្ងរ​របស់លោកនោះ ជាអ្វីឲ្យប្រាកដ​នោះឡើយ៕ ប្រភពអត្ថបទ៖ Fresh News

ស្ត្រីម្នាក់បានលោតពីជាន់ទី១១ដើម្បីបញ្ចប់ជីវិត ព្រោះបំណុលឡានមួយគ្រឿង

យោងតាមរបាយការណ៍មួយពីកាសែត Asia Times បុរសជនជាតិវៀតណាមអាយុ 27 ឆ្នាំម្នាក់បានព្យាយាមសង្គ្រោះស្រ្តីម្នាក់ដែលព្យាយាមលោតពីជាន់ទី 11 នៃអគារមួយនៅទីក្រុងគីងស៊ីងកោះតៃវ៉ាន់។ ។ អ្នកទាំងពីរត្រូវបានកំណត់អត្តសញ្ញាណនៅកន្លែងកើតហេតុ។ នៅពេលនោះស្ត្រីរូបនេះឈរនៅគែមបង្អួច អ្នកយាមដែលឈរនៅទីនោះបានឃើញនាង ហើយបានស្រែកប្រាប់នាងថាកុំឱ្យលោត ទោះអ្នកយាមនៅទីនោះស្រែកប្រាប់យ៉ាងណានាងមិនខ្វល់ហើយកំសំរេចលោត អ្នកយាមមានការភ្ញាក់ផ្អើលជាខ្លាំងនៅពេលឃើញស្ត្រីនេះលោតចុះមក អ្នកយាមក៏ស្ទុះទៅចាប់ទ្រនាង។ តែដោយសារការប៉ះទង្គិចគ្នានេះមានភាពខ្លាំងពេក ទើបធ្វើអោយបោកស្លាប់នៅហ្នឹងកន្លែងទាំងពីរនាក់តែម្តង។ មិនមែនថាមិនចង់ជួយទេ តែត្រូវមើលទៅលើស្ថានការណ៍អោយច្បាស់ផង ត្រូវជួយបានគឺជួយហើយ តែបើមើលទៅជួយមិនបានទេក៏គួកុំអីល្អជាង ទុកជីវិតគ្រាន់នៅមើលក្រុមគ្រួសារជាជាងស្លាប់ឥតប្រយោជន៍ ព្រោះបើអ្នកបាត់បង់ទៅហើយចុះប្រពន្ធកូនអ្នកទៅជាយ៉ាងណា? មិនទៅជាមេម៉ាយនិងកូនក៏ត្រូវកំព្រាទៅហើយ។ មើលផងបងប្អូន បើត្រូវជួយបានក៏ជួយ តែបើមើលទៅមិនកើតទេគឺកុំល្អជាង។

តោះមកមើលបងប្អូនកូរ៉េទាំងពីរជួបគ្នាបន្តិចមើល!

កាលពីថ្ងៃពុធ ទី១៩កញ្ញា ២០១៨ កន្លងទៅ នៅក្រោយជំនួបកំពូលរវាងមេដឹកនាំកូរ៉េខាងជើង និងកូរ៉េខាងត្បូង នៅឯរដ្ឋធានីព្យុងយ៉ាង លោកគីម ជុងអ៊ុន បានប្រកាសថា កូរ៉េខាងជើង សុខចិត្តយល់ព្រម បិទទីតាំងពិសោធន៍គ្រាប់មីស៊ីលរបស់ខ្លួន នៅចំពោះមុខមន្ត្រីជំនាញអន្តរជាតិ ដើម្បីជំរុញការចរចាជាមួយសហរដ្ឋអាមេរិក ឲ្យ​ដើរឆាប់ទៅមុខ។ ដំណឹងនេះ ត្រូវបានរដ្ឋាភិបាលលោកដូណាល់ ត្រាំ អបអរសាទរ ហើយថានិងរៀបចំពន្លឿនការចរចា។ ចំណែក លោកប្រធានាធីបតីកូរ៉េខាងត្បូង ដែលទើបតែត្រលប់មកពីព្យុងយ៉ាងវិញ បានប្រកាសឲ្យដឹងថា គីម ជុងអ៊ុន មានបំណងចង់ជួបលោកដូណាល់ ត្រាំ ជាថ្មីម្តងទៀត ក្នុងពេលដ៏ឆាប់ខាងមុខ។ បន្ទាប់ពីបានប្រកាស ថាខ្លួនមានបំណងចង់ទៅធ្វើទស្សនកិច្ច ជាលើកដំបូង នៅទីក្រុង​សេអ៊ូល រដ្ឋានីកូរ៉េខាងត្បូង លោកគីម ជុងអ៊ុន បានបញ្ជាក់ទៀតថា កូរ៉េខាងជើង សុខចិត្ត​យល់ព្រម​បិទជាលក្ខណៈ​អចិន្ត្រៃយ៍ នូវទីតាំងសាកល្បងមីស៊ីលមួយកន្លែងឈ្មោះ Tongchang-ri ដែលការបិទនេះ នឹងត្រូវធ្វើឡើង ក្រោមក្រសែរភ្នែកត្រួតពិនិត្យ របស់អ្នកជំនាញការអន្តរជាតិ។ ពីសេតវិមាន លោកដូណាល់ ត្រាំ បានថ្លែងថា នេះគឺជាដំណឹងល្អ ស្តែងឲ្យឃើញពីបំណងចង់ចរចា របស់កូរ៉ខាងជើង។ លោកដូណាល់

មហាសេដ្ឋីចិន លោក Jack Ma នឹងលាលែងពីតំណែងជាប្រធានក្រុមហ៊ុន Alibaba នៅពេលខាងមុខនេះហើយ

Jack Ma ដែលប្រធានក្រុមហ៊ុន Alibaba Group Holding បានប្រកាសនៅសប្តាហ៍នេះថាលោកគ្រោងនឹងចូលនិវត្តន៍នៅឆ្នាំក្រោយនេះហើយ ក្នុងអាយុ ៥៥ឆ្នាំ។ ក្នុងវេទិកាសេដ្ឋកិច្ចបូព៌ា ដែលប្រព្រឹត្តទៅកាលពីថ្ងៃអង្គារ នៅក្នុងទីក្រុង Valdivostok លោកប្រធានាធិបតីរុស្ស៊ី Putin បាននិយាយថា៖ «ខ្ញុំចង់សួរថាបុរសវ័យក្មេងដែលកំពុងអង្គុយនៅទីនេះថា៖ Jack Ma អ្នកនៅក្មេងនៅឡើយ ចុះហេតុអ្វីបានជាអ្នកចូលនិវត្តន៍?» វេទិកាសេដ្ឋកិច្ចនេះគឺជាលើកទីបួនហើយដែល Jack Ma និងលោក Putin បានជួបគ្នា Jack Ma បានភ្ញាក់ផ្អើលនៅពេលឮសំនួរមួយនេះ!! ទោះបីជាយ៉ាងនេះក្តី លោកបានប្រាប់លោក ពូទីន វិញ ថាគាត់លែងជា ក្មេងទៀតហើយ។ «ខ្ញុំបានចំណាយពេលខួបកំណើតរបស់ខ្ញុំ ៥៤ឆ្នាំនៅរុស្ស៊ីកាលពីម្សិលមិញនេះ» ហើយខ្ញុំបានដំណើរការក្រុមហ៊ុន Alibaba អស់រយៈពេល ១៩ ឆ្នាំមកហើយ ហើយខ្ញុំក៏បានសម្រេចនូវការកសាងវាដែរ ប៉ុន្តែអ្វីដែលខ្ញុំត្រូវធ្វើបន្តនោះគឺ ខ្ញុំសង្ឃឹមថានឹងអាចសម្រេចបាន នូវការងារអប់រំនិងមនុស្សធម៌។ លោកពូទីនសើចហើយនិយាយថា «អ្នកមានអាយុតិចជាងខ្ញុំ ខ្ញុំមាន ៦៦ឆ្នាំ ហើយ!» គួរបញ្ជាក់ផងដែរថា៖ លោកមានគម្រោងប្រគល់តួនាទីជាប្រធានប្រតិបត្តិនេះទៅឱ្យលោក Daniel Zhang  នៅខែកញ្ញាឆ្នាំ ២០១៩ខាងមុខនេះ។ ដើម្បីឱ្យលោកមានពេលដើម្បីផ្តោតលើការបង្រៀន និងការអប់រំវិញ។ ទោះបីជាយ៉ាងនេះក្តី លោកក៏នៅតែជាសមាជិកនៃក្រុមប្រឹក្សាភិបាលរហូតដល់ឆ្នាំ ២០២០ ហើយនឹងនៅតែជាសមាជិកអចិន្ត្រៃយ៍នៃភាពជាដៃគូរបស់ក្រុមហ៊ុន Alibaba ដដែល៕ ប្រភពអត្ថបទ៖ Dr. Business Cambodia